நாளை கரையை கடக்கும் பானி புயல், கடும் சேதத்தை ஏற்படுத்த கூடும்?

அதிதீவிர புயலாக மாறியுள்ள பானி புயல் ஒடிசா மாநிலம் பூரி அருகே கரையை கடக்க உள்ளது. இந்த புயல் ஒடிசா மற்றும் ஆந்திரா மாநிலங்களின் பல மாவட்டங்களில் கடும் சேதங்கள் ஏற்படுத்த கூடும் என வானிலை ஆய்வு மையம் எச்சரிக்கை செய்து உள்ளது. பானி புயல் ஆனது ஒடிசாவின் கோபால்பூர், சாந்த்பலி இடையே கடக்க கூடும் என தெரிவிக்கப்பட்டு உள்ளது. புயல் கரையை கடக்கும் போது 205 கிலோ மீட்டர் வேகத்தில் பலத்த காற்று வீச கூடும் எனவும் தெரிவிக்கப்பட்டு உள்ளது. இதனால் ஆந்திரா மற்றும் தெற்கு ஒடிசா பகுதிகளில் மிக கனமழை பெய்யும் எனவும் வானிலை ஆய்வு மையம் எச்சரிக்கை செய்து உள்ளது.

பானி புயலால் தமிழகத்திற்கு பாதிப்பு உண்டா?

இந்திய பெருங்கடல் மற்றும் வங்க கடல் பகுதியில் உருவான காற்று அழுத்த தாழ்வு பகுதியானது அடுத்த 36 மணி நேரத்தில் வலுப்பெற்று மத்திய இந்திய பெருக்கடல் மற்றும் அதனை ஒட்டியுள்ள மத்திய தெற்கு வங்க கடல் பகுதி நோக்கி நகரும் எனவும் பானி புயல் தமிழகத்தை நெருங்கி வந்தால் மட்டுமே தமிழகத்திற்கு மழை வாய்ப்பு உள்ளதாகவும் வானிலை ஆய்வாளர் செல்வகுமார் தெரிவித்து உள்ளார். மேலும் புயல் உருவாவது குறித்து நாளை தான் உறுதியாக தெரியும் எனவும் பானி புயலால் தமிழகத்திற்கு பாதிப்பு இருக்காது எனவும் செல்வகுமார் தெரிவித்து உள்ளார்.