பதவி வெறி கங்குலி? நிலைக்குமா நீதி?

 

2013 ஆம் ஆண்டில் நடைபெற்ற உலகின் அதிக பணம் கொழிக்கும கிரிக்கெட் தொடரான இந்தியன் பிரீமியர் லீக்கில் நடைபெற்ற சூதாட்டம் பெரும் சர்ச்சையை ஏற்படுத்தியது. இதனால் ஏற்பட்ட பலதரப்பு புகார்களின் காரணமாக சென்னை சூப்பர், ராஜஸ்தான் ராயல்ஸ் அணிகளுக்கு இரண்டு ஆண்டுகள் தடையும்,ராஜஸ்தான் ராயல்ஸ் வீரர் ஸ்ரீசாந்திற்கு வாழ்நாள் தடையும் வழங்க பட்டது. 
இதனை உற்றுநோக்கிய உச்ச நீதிமன்றம் பிசிசிஐ அமைப்பில் சீர்திருத்தங்களை ஏற்படுத்த முன்னாள் நீதிபதி லோத்தா அவர்களின் தலைமையில் கமிட்டி ஒன்றைத் அமைத்தது.லோத்தா கமிட்டி பிறப்பிக்கும் பரிந்துரைகளை பிசிசிஐ கட்டாயமாக பின்பற்ற வேண்டும் எனவும் உச்ச நீதிமன்றத்தால் கூறப்பட்டது. நீதிபதி லோத்தா அவர்களின் தலைமையிலான கமிட்டியின் பரிந்துரைகளில் இந்திய கிரிக்கெட் வாரியத்தின் நடவடிக்கைகள் வெளிப்படை தன்மையுடன் இருக்க வேண்டும், ஒரு மாநிலத்திற்கு ஒரு வாக்கு, எழுபது வயதிற்கு மேல் யாரும் பதவியில் இருக்க கூடாது, அரசியல்வாதிகள் பிசிசிஐ யில் அங்கம் வகிக்க கூடாது, ஒருவர் இந்திய கிரிக்கெட் வாரியம் அல்லது மாநில கிரிக்கெட் வாரியத்தில் ஆறு ஆண்டுகள் பதவியில் இருந்தால் அடுத்த மூன்று ஆண்டுகள் கட்டாயமாக இந்த அமைப்புகளில் எந்த பதவியும் வகிக்க கூடாது போன்றவை முக்கிய அம்சங்கள் ஆகும்.
லோத்தா கமிட்டியின் இந்த பரிந்துரைகள் நிரந்தரமாக பதவிகளை விரும்பிய பிசிசிஐயின் முக்கிய புள்ளிகளை எரிச்சல் அடைய செய்தது.லோத்தா கமிட்டியின் பரிந்துரைகள் செயல் படுத்தபட்டால் சீனிவாசன் , நிரஞ்சன் ஷா போன்றவர்களும் தங்கள் மாநில கிரிக்கெட் சங்க பதவிகளை இழக்க நேரிடும் என்பதால் பரிந்துரைகளுக்கு தடையாக இருப்பதாக குற்றம் சாட்டப்பட்டது.முன்னாள் தலைவரும்  ஆன அனுராக் தாகூர் இந்த பரிந்துரைகளை செயல் படுத்தாமல் உச்ச நீதிமன்றத்திடம் கால அவகாசம் கேட்டு கொண்டே இருக்க ஒரு கட்டத்தில எரிச்சல் அடைந்த உச்ச நீதிமன்றம் பிசிசிஐ அமைப்பில் இருந்து அவரை வெளியேற்றியது.
அதன் பின் லோத்தா கமிட்டியின் பரிந்துரைகள் இந்திய கிரிக்கெட் வாரியத்தால் ஏற்றுக்கொள்ள பட்டு மறுசீரமைப்பு செய்யப்பட்டது. இந்த பரிந்துரைகளை செயல்படுத்த ஏழு பேர் கொண்ட குழுவானது பிசிசிஐ ஆல் அமைக்கப்பட்டது. ராஜீவ் சுக்லா வை தலைவராக கொண்ட இக்குழுவில் அப்போதைய பிசிசிஐ செயலாளர் அமிதாப் சௌத்ரி, பொருளாளர் அனிருத் சௌத்ரி, சவ்ரவ் கங்குலி ஆகியோரும் இடம்பெற்று இருந்தனர்.
2017 ஆம் ஆண்டு முதல் பிசிசிஐயின் செயல்பாடுகளை சிஓஏ மேற்பார்வை செய்து வந்தது. இந்த நிலையில் கடந்த ஆண்டு அக்டோபர் மாதம் நடைபெற்ற கூட்டத்தில் பிசிசிஐ தலைவராக கங்குலியும், செயலாளர் ஆக உள்துறை அமைச்சர் அமித் ஷாவின் மகன் ஜெய் ஷாவும் பிசிசிஐ ஆல் தேர்வு செய்யப்பட்டதாக அறிவிக்கப்பட்டது. பிசிசிஐயின் தலைவராக பிரிஜேஷ் படேல் வருவார் என அனைவரும் எதிர்பார்த்த நிலையில் சீனிவாசன், நிரஞ்சன் ஷா, ராஜீவ் சுக்லா, மத்திய இணை அமைச்சர் அனுராக் தாகூர் ஆகியோர் பங்கு பெற்ற இந்த கூட்டத்தில் கங்குலி போட்டி இன்றி தேர்வு செய்யப்பட்டது அனைவரின் புருவங்களையும் உயர செய்தது.

கங்குலி மேற்கு வங்க கிரிக்கெட் வாரியத்தில் ஐந்து ஆண்டுகளும், ஜெய் ஷா குஜராத் கிரிக்கெட் வாரியத்தில் ஐந்து ஆண்டுகளும் பதவி வகித்த நிலையில் தான் பிசிசிஐ யின் தலைவராகவும், செயலாளர் ஆகவும் தேர்வு செய்யப்பட்டனர். அதன் பின் 2019 ஆம் ஆண்டு டிசம்பர் மாதம் கங்குலியின் தலைமையில் நடைபெற்ற பிசிசிஐ யின் 88 ஆம் ஆண்டு கூட்டத்தில் லோத்தா கமிட்டியின் பரிந்துரைகளுக்கு எதிராக சில முடிவுகள் எடுக்கப்பட்டன.
அதன் தொடர்ச்சியாக கங்குலியும், ஜெய் ஷாவும் ஆறு ஆண்டுகளுக்கு மேல் தொடர்ச்சியாக பதவி வகிக்க முடியாது, கட்டாயம் மூன்று ஆண்டுகள் இடைவெளி வேண்டும் என்ற விதியை மாற்ற வேண்டும் எனவும், பிசிசிஐ செயளாலர்க்கு கூடுதல் அதிகாரம் வழங்க வேண்டும் எனவும் ஏப்ரல் 21 ஆம் தேதி உச்ச நீதி மன்றத்தில் மனு தாக்கல் செய்தனர்.
ஜெய் ஷா வின் பிசிசிஐ செயலாளர் பதவி காலம் மே 7 ஆம் தேதி முடிந்த நிலையில் பிசிசிஐ கூட்டங்களில் அவர் தொடருந்து பங்கு பெற்று வருகிறார். தலைவர் சவுரவ் கங்குலியின் பதவி காலமும் ஜூலை 27 ஆம் தேதி உடன் முடிவு பெற்று உள்ளது. ஏற்கனவே பிசிசிஐ பொது மேலாளர் சாபா கரீம் , தலைமை நிர்வாக அதிகாரி ராகுல் ஜோரி பதவி காலம் முடிந்து பதவி விலகி உள்ளனர்.
நடைபெற இருக்கும் ஐபிஎல், ஆஸ்திரேலிய தொடர்களுக்கு தீர்க்கமான முடிவுகளை எடுக்கவேண்டிய கால கட்டத்தில், பிசிசிஐ புதிய தலைவரை தேர்வு செய்யாமல் 2024 ஆம் ஆண்டு வரை கங்குலி மற்றும் ஜெய் ஷாவின் பதவி காலத்தை நீட்டிக்க வேண்டும் எனவும் பிசிசிஐ யை வளர்ச்சி அடைய செய்ய நிலையான நீண்ட நிர்வாகம் வேண்டும் எனவும் உச்ச நீதி மன்றத்தில் முதலை கண்ணீர் வடித்து கொண்டு உள்ளது.
இந்நிலையில் உச்ச நீதி மன்றத்தில் மீண்டும் மனு ஆகஸ்ட் 17 ஆம் தேதி விசாரணைக்கு வர உள்ளது. கங்குலி மற்றும் ஜெய்ஷாவின் பதவி காலம் நீட்டிக்க படுமா அல்லது பிசிசிஐ அமைப்பில் இருந்து உச்ச நீதி மன்றத்தால் வெளியேற்ற படுவார்களா என பொறுத்து இருந்து தான் பார்க்க வேண்டும்.

 

இங்கிலாந்திற்கு அதிர்ச்சி அளித்தது வெண்டீஸ் அணி அசத்தல் வெற்றி

இங்கிலாந்து மற்றும் வெண்டீஸ் அணிகளுக்கு இடையிலான முதல் டெஸ்ட் போட்டியானது சவுத்தம்டன் கிரிக்கெட் மைதானத்தில் 8 ஆம் தேதி துவங்கியது. கொரோன வைரஸ் தாக்கத்தால் 117 நாட்களுக்கு பிறகு நடைபெறும் சர்வதேச போட்டி என்பதால் உலக கிரிக்கெட் ரசிகர்களின் கவனத்தை இப்போட்டி பெற்றது. இந்த போட்டியில் ரசிகர்களுக்கு நேரடியாக பார்க்கும் அனுமதி வழங்கப்படவில்லை என்பதும் குறிப்பிடத்தக்கது.ரூட் முதல் டெஸ்ட் போட்டியில் இருந்து விலகியதால் முதல் முறையாக பென் ஸ்டோக்ஸ் அணியை வழி நடத்தினார்.
2012 ஆம் ஆண்டு முதல் 51 டெஸ்ட் போட்டிகளில் தொடர்ச்சியாக ஆடிய ஸ்டுவர்ட் பிராட்க்கு இப்போட்டியில் ஆடும் வாய்ப்பை ஸ்டோக்ஸ் வழங்கவில்லை.8 ஆம் தேதி காலையில் கடுமையான மழை பெய்ததால் போட்டி உணவு இடைவேளைக்கு பிறகுதான் ஆரம்பம் ஆனது.
டாசில் வென்ற வென்ற பென் ஸ்டோக்ஸ் முதலில் பேட்டிங் ஐ தேர்வு செய்தார். இந்த முடிவும் இங்கிலாந்து அணிக்கு பாதகத்தை ஏற்படுத்தியது. ஈரப்பதமான சூழ்நிலையை தங்களுக்கு சாதகமாக பயன்படுத்தி கொண்ட வெண்டீஸ் அணியின் வேகபந்து வீச்சாளர்கள் இங்கிலாந்து வீரர்களின் விக்கெட்களை வேகமாக கைப்பற்றினர். இதனால் முதல் இன்னிங்ஸில் இங்கிலாந்து அணி 204 ரன்களில் தனது அனைத்து விக்கெட்களையும் பறிகொடுத்தது. சிறப்பாக பந்து வீசிய வென்டீஸ் அணியின் கேப்டன் ஹோல்டர் 6 விக்கெட்களையும், கேப்ரியல் 4 விக்கெட்களையும் கைப்பற்றினர். இங்கிலாந்து அணி தரப்பில் அதிகபட்சமாக கேப்டன் ஸ்டோக்ஸ் 43 ரன்களும், விக்கெட் கீப்பர் பட்லர் 35 ரன்களும், ரோரி பர்ன்ஸ் 30 ரன்களும் எடுத்தனர்.
அடுத்து ஆடிய வென்டீஸ் அணி தனது முதல் இன்னிங்ஸில் 318 ரன்கள் குவித்து ஆல் அவுட் ஆனது. சிறப்பான ஆட்டத்தை வெளிப்படுத்திய துவக்க வீரர் பிரத்வெயிட் 65 ரன்கள் குவித்து ஆட்டம் இழந்தார். மூன்றாம் நாள் தேநீர் இடைவேளைக்கு பிறகு டோரிச் மற்றும் ரோஸ்டம் சேஸ் இணைந்து ஆடிய அற்புதமான ஆட்டதால் வென்டீஸ் அணி 114 ரன்கள் முன்னிலை பெற்றது. ஆட்டத்தில் திருப்பு முனையை ஏற்படுத்திய டோரிச் 61 ரன்களும், ரோஸ்டம் சேஸ் 47 ரன்களும் குவித்தனர். இங்கிலாந்து அணியின் தரப்பில் அணியின் கேப்டன் ஸ்டோக்ஸ் 4 விக்கெட்களையும், ஆண்டர்சன் 3 விக்கெட்களையும் கைப்பற்றினர்.
114 ரன்கள் பின் தங்கிய நிலையில் தனது இரண்டாம் இன்னிங்ஸை துவங்கிய இங்கிலாந்து அணி நிதானமான ஆட்டத்தை வெளிப்படுத்தியது. அந்த அணியின் துவக்க வீரர்கள் ரோரி பர்ன்ஸ் 42 ரன்களும் சிப்லி 50 ரன்களும் குவித்து ஆட்டம் இழந்தனர். சிறப்பான ஆட்டத்தை வெளிப்படுத்திய ஜாக் கிரேலி 76 ரன்களும், ஸ்டோக்ஸ் 46 ரன்களும் எடுத்தனர். நான்காம் நாள் தேநீர் இடைவேளையின் போது 249 ரன்களுக்கு 3 விக்கெட்டுகள் என வலுவான நிலையில் இருந்த இங்கிலாந்து அணி அதன் பின் சறுக்கலை கண்டது. ஸ்டோக்ஸ் ஆட்டம் இழந்த பின் ஆட்டத்தின் போக்கில் மாற்றம் ஏற்பட்டது. அதன் பின் 64 ரன்களை எடுப்பதற்குள் ஆறு விக்கெட்களை பறி கொடுத்தது இங்கிலாந்து அணி. போட்டியின் ஐந்தாம் நாள் துவக்கத்தில் 313 ரன்களில் ஆல் அவுட் ஆனது இங்கிலாந்து.வென்டீஸ் அணியின் கேப்ரியல் அதிகபட்சமாக ஐந்து விக்கெட்களை கைபற்றி அசத்தினார்.
அதன் பின் 200 ரன்கள் எடுத்தால் வெற்றி என்ற இலக்குடன் களமிறங்கிய வென்டீஸ் அணி 27 ரன்கள் எடுப்பதற்குள் 3 விக்கெட்களை இழந்து தடுமாறியது. அதன் பின் இணைந்த பிளாக்வுட் ,ரோஸ்டன் சேஸ் ஜோடி சிறப்பான ஆட்டத்தை வெளிப்படுத்தியது.ரோஸ்டன் சேஸ் 37 ரன்கள் குவித்து ஆட்டம் இழந்தார். அதன் பின் வரலாற்று சிறப்பு மிக்க இன்னிங்ஸ் ஆடிய பிளாக்வுட் 95 ரன்களில ஆட்டம் இழந்து சதம் அடிக்கும் வாய்ப்பை தவறவிட்டார்.இருந்தபோதிலும் அதன் பின் ஆறு விக்கெட்களை இழந்து 200 ரன்கள் குவித்த வென்டீஸ் அணி நீண்ட நாட்களுக்கு பிறகு தனது வரலாற்று சிறப்பு மிக்க வெற்றியை பதிவு செய்தது.  போட்டியில் 99 ரன்களும், 6 விக்கெட்களையும் கைப்பற்றிய பென் ஸ்டோக்ஸ் ஆல் கேப்டன் ஆக தனது அணிக்கு வெற்றியை தேடி தர முடியவில்லை. ஆர்ச்சர் மற்றும் மார்க் வுட் இந்த போட்டியில் ஜொலிக்காத நிலையில் ஸ்டுவர்ட் பிராட் ஐ பெஞ்சில் அமர வைத்த ஸ்டோக்ஸ்ன் நிலைப்பாடு அவரின் கேப்டன் ஷிப் திறமையை கேள்விக்குறியாக்கி உள்ளது. காயத்தில் இருந்து விடுபட்டு கடைசி நேரத்தில் அணியில் இடம் பெற்ற வென்டீஸ் வீரர் கேப்ரியல் ஒன்பது விக்கெட்களை கைப்பற்றி ஆட்டநாயகன் விருதை பெற்று அசத்தி உள்ளார்.

 

கவி சாம்ராஜ்யம் நா முத்துக்குமார்

காலம் கொடுத்த கவி சாம்ராஜ்யம் நா.முத்துக்குமார். கிட்டத்தட்ட தமிழர்களின் வாழ்வை தன் கவிதைகளால் நிரப்பியவர் அவர். அவரது பாடல்கள் பலருக்கு வாழ்வு குறித்த நம்பிக்கை விதைகள் தெளித்தன; வரிகள் பலருக்கு வாழ்க்கை கொடுத்தன; பலரைக் கண்ணீர் உருகவைத்தன. தமிழ் திரையிசை ரசிகர்களின் விருப்பத்திற்குரியவனாக இருந்த அந்தக் கவிஞன் தன் ஆயுளில் பாதியைக் கழிப்பதற்குள்ளாகவே மறைந்தான்.

மிக இளம் வயதில் மரணமெனும் வேட்டைக்குச் சிக்கிக்கொண்டாலும், வயது வித்தியாசமின்றி வகைமை பேதமின்றி எல்லாத் தரப்பினருக்குமான சொற்களைக் கையளித்துச் சென்றுள்ளார் முத்துக்குமார். எல்லா வகை உணர்வுகளோடும் நம் நிகழ் வாழ்வைக் கடத்தத் தேவையான பாடல்கள் அவரிடத்தில் இருக்கின்றன. ஆற்றாமையை, துயரத்தை, பிரிவை, ஏகாந்தத்தை, இன்பத்தை, கூடலை, காதலை, கொண்டாட்டத்தைப் பாடுகிற பாடல்கள் அவரது பேனாவிலிருந்து வடிந்தபடியிருக்கின்றன.

 

ஒரு பத்து – ஐம்பது பாடல்களைப் பட்டியலிட்டு இதெல்லாம் சிறந்ததென பட்டியலிடக்கூடியதா முத்துக்குமாரின் வரிகள்? மகளுக்கான அன்போடு ஒப்புமைப்படுத்த வானத்து நிலவைத் தன் பக்கத்தில் வைத்து வார்த்தைகளால் அளந்த கவிஞனல்லவா?

 

அசாத்தியங்களை எந்த அலட்டலும் இல்லாமல் சாத்தியமாக்கிக் கொண்டிருந்தது அந்தக் கவிஞனின் விரல்கள். அந்த புன்னகை முகங்கொண்ட கவிஞன்தான் அத்தனை ரசித்து ரசித்துப் பெண்ணைப் பாடினான்.
தமிழும், சொல்லும், அணியும் அவரது பேனாவின் மைக்கு நடனமாடின .
கவிதைகளிலும், உரைநடையிலும் நா.முத்துக்குமார் நிகழ்த்தியது அசுரப் பாய்ச்சல். கவிஞன் உரைநடை எழுதுவதில் இருக்கும் நற்பேறுகள் அத்தனையையும் நா.மு-வை வைத்துக் கணக்கிட்டுக் கொள்ளலாம்.

இயக்குநர் ராம் இயக்கத்தில் வெளியான தங்கமீன்கள் படத்தில் பாடலாசிரியர் நா. முத்துக்குமார் எழுதிய “ஆனந்த யாழை மீட்டுகிறாள்” பாடல் அவருக்கு தேசிய விருதை பெற்றுத் தந்தது. அடுத்தபடியாக, இயக்குநர் ஏ.எல். விஜய் இயக்கத்தில் சைவம் படத்திற்காக நா. முத்துக்குமார் எழுதிய “எல்லாம் அழகு” பாடலுக்காகவும் தேசிய விருதை வென்றார்.

வசனகர்த்தா இயக்குநர் பாலு மகேந்திராவிடம் 4 ஆண்டுகள் பணியாற்றிய நா. முத்துக்குமார், பாடலாசிரியரை தாண்டி,  அஜித்தின் கிரீடம் மற்றும் சூர்யாவின் வாரணம் ஆயிரம் ஆகிய இரண்டு படங்களுக்கு வசனமும் எழுதியுள்ளார்.

இப்போதும் அவர் வரிகளோடு தமிழ் சினிமா பாடல்கள் வெளியாகிக் கொண்டிருக்கின்றன. அது ஒருநாளும் எழுதாமல் உறங்கவில்லை என்கிற அவரது அசாத்திய உழைப்பைச் சொல்வது மட்டுமல்ல; நமக்கான கூடுதல் பலம் ஆகும்.

மனிதன் என்பவன் தெய்வமாகலாம் தெய்வமாகலாம்

பிரதமர் லீ செய்ன் லுாங்மீண்டும் ஆட்சி

 

பிரதமர் லீ செய்ன் லுாங் ஆட்சிக் காலம் முடிய இன்னும் 10 மாதங்கள் இருக்கும் நிலையில் பிரதமர் லீ முன்னதாகவே பொதுத் தேர்தலை அறிவித்தார். இதன்படி, கொரோனா பாதிப்பால் முக்கிய நிகழ்வுகளை உலக நாடுகள் தள்ளிப்போடும் நிலையில், அதைத்தொடர்ந்து நேற்று சிங்கப்பூரில் பொதுத் தேர்தல் நடைபெற்றது.

நாட்டின் 26.5 லட்சம் மக்கள் வாக்களிக்க உள்ளனர். அந்நாட்டில் வாக்களிக்க வேண்டியது கட்டாயமாகும். இதனையடுத்து, நேற்று காலை 8:00 மணிக்கு தொடங்கிய வாக்குப்பதிவு இரவு 8:00 மணி வரை நடைபெற்றது. காலை முதலே பொதுமக்கள் நீண்ட வரிசையில் காத்திருந்து ஆர்வமுடன் வாக்களித்தனர்.

கொரோனா பரவல் காரணமாக வாக்காளர்களுக்கு முககவசமும் கையுறையும் வழங்கப்பட்டன. தனி மனித இடைவெளியை பின்பற்றி பாதுகாப்பாக வாக்களித்தனர்.தொடர்ந்து பொதுத்தேர்தலில் பதிவு செய்யப்பட்ட வாக்குகள் எண்ணப்பட்டு முடிவுகள் வெளியிடப்பட்டன. இதில், ஆளும் ‘மக்கள் செயல் கட்சி, மொத்தமுள்ள 93 இடங்களில், 83 இடங்களை பிடித்து மீண்டும் ஆட்சியை தக்க வைத்துக் கொண்டது.

மக்கள் செயல் கட்சி, 61.24% விகிதம் பெற்றது. கடந்த 2015-ம் நடைபெற்ற பொதுத்தேர்தலில் பெற்ற வாக்குகளை விட குறைவு என்றும் தெரிவிக்கப்பட்டுள்ளது. எதிர்கட்சியான ‘வொர்க்கர்ஸ் பார்ட்டி’ கட்சி 10 இடங்களில் வெற்றி பெற்றுள்ளது.

அக்கட்சியின் பிரித்தம் சிங், பார்லி., எதிர்கட்சி தலைவராக பொறுப்பேற்க உள்ளார். 1950ம் ஆண்டின் இறுதியில் இருந்து மக்கள் செயல் கட்சி தொடர்ந்து வென்று வருகிறது என்பது குறிப்பிடத்தக்கது.

இந்த பொதுத் தேர்தலில் மக்கள் செயல் கட்சியை அதிகப் பெரும்பான்மையுடன் வெற்றி பெறச் செய்ததற்கு மக்களிடம் நன்றி கூறிய பிரதமர் லீ சியன் லூங், வாக்கு விகிதம் எதிர்பார்த்த அளவு இல்லை என்றாலும் மக்கள் செயல் கட்சிக்கு இன்னும் பரவலான ஆதரவு உள்ளதைத் தேர்தல் முடிவு காட்டுகிறது என்றார்.

இந்த வெற்றியைப் பொறுப்புடன் பயன்படுத்தப்போவதாகக் கூறிய திரு லீ, தற்போதைய நெருக்கடியிலிருந்து சிங்கப்பூரை மீட்க பாடுபடப்போவதாகக் கூறினார்.

“இந்த நெருக்கடி காலத்தில் மக்கள் எதிர்நோக்கிய வலியையும் பதற்றத்தையும் இந்த முடிவு காட்டுகிறது,” என்றார் அவர்.

 

 

 

இந்திய அணியின் பயிற்சியாளராக ராகுல் டிராவிட்?

இந்திய கிரிக்கெட் அணியின் பயிற்சியாளர் பதவியை ராகுல் டிராவிட் ஏற்க மறுத்து விட்டார் என்று வினோத்ராய் கூறினார்.

2017-ம் ஆண்டில் கேப்டன் விராட்கோலியுடன் ஏற்பட்ட கருத்து வேறுபாடு காரணமாக இந்திய கிரிக்கெட் அணியின் தலைமை பயிற்சியாளர் பொறுப்பில் இருந்து அனில் கும்ப்ளே விலகியதை அடுத்து தலைமை பயிற்சியாளர் பொறுப்பை ஏற்கும்படி ராகுல் டிராவிட்டிடம் கேட்டதற்கு அவர் மறுத்து விட்டார் என்று இந்திய கிரிக்கெட் வாரிய நிர்வாக கமிட்டி தலைவராக சுப்ரீம் கோர்ட்டால் நியமிக்கப்பட்டிருந்த வினோத் ராய் தற்போது ரகசியத்தை வெளியிட்டு இருக்கிறார். இது குறித்து அவர் கூறுகையில்,

கும்ப்ளே விலகலை தொடர்ந்து 19 வயதுக்கு உட்பட்ட இந்திய அணியின் பயிற்சியாளராக இருந்த ராகுல் டிராவிட்டை இந்திய கிரிக்கெட் அணியின் தலைமை பயிற்சியாளராக இருக்குமாறு கேட்டுக் கொண்டோம்.

ஆனால் அவர் தனது மகன்களை கவனிக்க வேண்டிய பொறுப்பும், குடும்பத்தினருடன் நேரத்தை செலவிட வேண்டியதும் இருப்பதால் தன்னால் அந்த பதவியை ஏற்றுக்கொள்ள முடியாது என்று தெரிவித்தார். அவரது வேண்டுகோள் நியாயமாக இருந்ததால் நாங்கள் அதனை ஏற்றுக் கொண்டோம் என்றார்.

MS டோனி ஓய்வு?

டோனியின் எதிர்கால திட்டம் என்ன? என்பது குறித்து அவரது மானேஜரும், நண்பருமான மிஹிர் திவாகரிடம் கேட்ட போது, ‘நண்பர்களான நாங்கள் அவரது கிரிக்கெட் குறித்து பேசுவது கிடையாது. ஆனால் அவரை பார்க்கும் போது கிரிக்கெட்டில் இருந்து ஓய்வு பெறுவது குறித்து யோசித்த மாதிரி தெரியவில்லை. ஐ.பி.எல். போட்டியில் விளையாட அவர் மிகவும் ஆர்வமாக இருந்தார். அதற்காக உண்மையிலேயே கடுமையாக உழைத்தார். ஊரடங்கு அறிவிக்கப்படுவதற்கு ஒரு மாதம் முன்னதாகவே அவர் சென்னை சென்று தனது பயிற்சியை தொடங்கியது எல்லோருக்கும் தெரியும். தனது பண்ணை வீட்டில் அதிக நேரத்தை செலவிட்டு வரும் டோனி உடல் தகுதியை நன்றாகவே பேணி வருகிறார். ஊரடங்கு கட்டுப்பாடுகள் நீக்கப்பட்டதும் அவர் பயிற்சியை தொடங்குவார். தற்போது எவ்வளவு வேகமாக இயல்பு நிலை திரும்புகிறது என்பதை பொறுத்தே எல்லாம் அமையும்’ என்று தெரிவித்தார்

ஹோல்டர் 6 vs இங்கிலாந்து 204

கொரோனா ஊரடங்கிற்கு பிறகு முதல் சர்வதேச கிரிக்கெட் தொடர் இதுவாகும்.3 போட்டிகளும் இங்கிலாந்தின் சவுதாம்ப்டன் மைதானத்தில் நடைபெறுகிறது.‘டாஸ்’ ஜெயித்த இங்கிலாந்து அணி முதலில் பேட்டிங் செய்தது. மழையால் 17.4 ஓவர்கள் மட்டுமே வீசப்பட்ட தொடக்க நாளில் ஒரு விக்கெட்டுக்கு 35 ரன்கள் எடுத்திருந்தது.முடிவில் இங்கிலாந்து அணி முதல் இன்னிங்சில் 67.3 ஓவர்களில் 204 ரன்களுக்கு ‘ஆல்-அவுட்’ ஆனது. வெஸ்ட் இண்டீஸ் தரப்பில் வேகப்பந்து வீச்சாளர்கள் ஜாசன் ஹோல்டர் 6 விக்கெட்டுகளும், கேப்ரியல் 4 விக்கெட்டுகளும் சாய்த்தனர்.பின்னர் வெஸ்ட் இண்டீஸ் அணி தனது முதல் இன்னிங்சை ஆடியது. 18 ஓவர் முடிந்திருந்த போது அந்த அணி 1 விக்கெட்டுக்கு 56 ரன்கள் எடுத்திருந்தது

 

 

 

கண்டுபட்டியில்-மஞ்சு விரட்டு

ஞாயிற்றுக்கிழமை கண்டுபட்டியில் நடைபெற்ற இரண்டு மஞ்சு விரட்டு நிகழ்ச்சியில் ,ஒரு பார்வையாளர் கொல்லப்பட்டார் மற்றும் 70 நபர்கள் காயப்பட்டனர்.

151 காளைகள் மற்றும் 45 காளை பழக்குபவர்கள் மாவட்ட அமைப்பால் ஏற்பாடு செய்யப்பட்டிருந்தது .இதற்கு இணையாக 700 காளைகள் தண்ணீர் இல்லாத குளத்தில் இறக்கிவிடப்பட்டன ,

பார்வையாளர்களுக்கு அனுமதி மறுக்கப்பட்ட போதிலும் ,அவர்கள் காயப்பட்டனர்,மேலும் அவர்கள் சிவகங்கை மருத்துமனைக்கு சிகிச்சைக்காக கொண்டுசெல்லப்பட்டனர்