ஐபிஎல் ஏலம்!

ஐபில் அதிக விலைக்கு ஏலம் விடப்பட்ட முதல் 10 பேர்களின்  பெயர்  மற்றும் பணத்தொகை பின்வருமாறு

ஒரு ரன் வித்தியாசத்தில் பெங்களுர் திரில் வெற்றி

இந்தியன் பிரீமியர் லீக்கில் நேற்று பெங்களூரில் நடைபெற்ற ஆட்டத்தில் பெங்களுர் அணி ஒரு ரன் வித்தியாசத்தில் திரில் வெற்றி பெற்றது. முதலில் பேட்டிங் செய்த பெங்களுர் அணி 20 ஓவர்கள் முடிவில் 7 விக்கெட்களை இழந்து 161 ரன்கள் அடித்தது. அந்த அணியில் அதிகபட்சமாக பார்திவ் பட்டேல் 37 பந்துகளில் 53 ரன்கள் அடித்தார். மொய்தீன் அலி 16 பந்துகளில் 26 ரன்கள் அடித்தார்.

162 ரன்கள் அடித்தால் வெற்றி என்ற இலக்குடன் களமிறங்கிய சென்னை அணி தொடக்கத்தில் விக்கெட்களை இழந்து தடுமாறியது. சென்னை சூப்பர் கிங்ஸ் அணியின் கேப்டன் தோனி அணியை சரிவில் இருந்து மீட்டார்.48 பந்துகளில் 84 ரன்களை தோனி குவித்த போதிலும் சென்னை அணியால் வெற்றி பெற முடியவில்லை.20 ஓவர்கள் முடிவில் சென்னை அணி 8 விக்கெட்களை இழந்து 160 ரன்கள் எடுத்தது. ஒரு ரன் வித்தியாசத்தில் திரில் வெற்றி பெற்ற பெங்களுர் தனது 3வது வெற்றியை பதிவு செய்து உள்ளது.

உலககோப்பைக்கான ஆஸ்திரேலிய அணியில் அதிரடி மாற்றங்கள்

மே மாதம் இங்கிலாந்தில் நடைபெறும் உலக கோப்பை தொடருக்கான ஆஸ்திரேலிய அணியானது தற்போது பல அதிரடி மாற்றங்களுடன் அறிவிக்கப்பட்டு உள்ளது. டேவிட் வார்னர் மற்றும் ஸ்டீவ் ஸ்மித் நீண்ட நாட்களுக்கு பிறகு அணிக்கு திரும்பி உள்ளனர். கடந்த போட்டிகளில் சிறப்பான பங்களிப்பு ஆற்றிய ஹேன்ட்ஸ்கம்ப், டர்னர், ஹேசில்வுட் உலக கோப்பைக்கான அணியில் இடம் பெறமால் இருப்பது குறிப்பிடதக்கது.

 
ஆஸ்திரேலிய அணி விவரம்:

ஆரோன் பிஞ்ச்(கேப்டன்), டேவிட் வார்னர், ஸ்டீவ் ஸ்மித், உஸ்மான் கவாஜா, ஷான் மார்ஷ், க்ளென் மேக்ஸ்வெல், மார்கஸ் ஸ்டோய்னிஸ், அலெக்ஸ் காரே, பாட் கம்மின்ஸ், மிட்ஷெல் ஸ்டார்க், ஜே ரிச்சார்ட்ஸன், நாதன் கோல்டர் நீல், ஜேஸன் பெஹரன்டார்ப், ஆடம் ஜம்பா, நாதன் லயன்.

விராட் கோலியை சோதித்த ரஸ்ஸல்

இந்தியன் பிரீமியர் லீக்கில் நேற்று நடந்த போட்டியில் பெங்களுர் மற்றும் கொல்கத்தா அணிகள் மோதின. இதில் முதலில் பேட்டிங் செய்த பெங்களுர் அணி 20 ஓவர்கள் முடிவில் 3 விக்கெட்களை இழந்து 205 ரன்கள் எடுத்தது .அதிகபட்சமாக விராட் கோலி 49 பந்துகளில் 84 ரன்களும்,  டி வில்லியர்ஸ் 32 பந்துகளில் 63 ரன்களும் எடுத்தனர்.

206 ரன்கள் எடுத்தால் வெற்றி என்ற இலக்குடன் களமிறங்கிய கொல்கத்தா அணி 17 ஓவர்களில் 5 விக்கெட்களை இழந்து 153 ரன்கள் எடுத்து தடுமாறி கொண்டு இருந்தது.18 பந்துகளில் 53 ரன்கள் தேவை என்ற பொது களத்தில் இறங்கிய ரஸ்ஸல் 5 பந்துகள் மீதம் வைத்து போட்டியை முடித்தார்.

ரஸ்ஸல் 13 பந்துகளில் ஏழு சிக்ஸர்கள், ஒரு பவுண்டரி உடன் 48 ரன்கள் அடித்த ரஸ்ஸல் ஸ்டிரைக் ரேட் 369.23 என வைத்து மிரள வைத்தார். இவரது அதிரடி ஆட்டத்தின் மூலம் கொல்கத்தா 5 விக்கெட்கள் வித்தியாசத்தில் வெற்றி பெற்றது.5 போட்டிகளில் விளையாடியுள்ள விராட் கோலி தலைமையிலான பெங்களுர் அணி இதுவரை ஒரு போட்டியில் கூட வெற்றி பெறவில்லை என்பது குறிப்பிடத்தக்கது.

சரவெடியாக வெடித்த வார்னர், சாம்சன் சதம் வீண்

இந்தியன் பிரிமியர் லீக்கில் நேற்று நடந்த போட்டியில் ஐதராபாத் மற்றும் ராஜஸ்தான் அணிகள் மோதின. இதில் முதலில் பேட்டிங் செய்த ராஜஸ்தான் அணி 20 ஓவர்கள் முடிவில் இரண்டு விக்கெட்களை இழந்து 198 ரன்கள் அடித்தது.

அந்த அணியின் துவக்க வீரர் ரஹானே 49 பந்துகளில் 70 ரன்கள் எடுத்தார். இளம் வீரர் சாம்சன் 10 பவுண்டரிகள், 4 சிக்சர்கள் உடன் 55 பந்துகளில் 102 ரன்கள் எடுத்து கடைசி வரை களத்தில் நின்றார். சஞ்சு சாம்சனின் இரண்டாவது ஐபிஎல் சதம் இது என்பது குறிப்பிடத்தக்கது.

புவனேஷ்குமாரின் முதல் இரண்டு ஓவர்களில் 10 ரன்கள் மட்டும் அடித்த ராஜஸ்தான் வீரர்கள் அடுத்த இரண்டு ஓவர்களில் 45 ரன்கள் அடித்தனர். அடுத்து 199 ரன்கள் அடித்தால் வெற்றி என்ற கடின இலக்குடன் ஆடிய ஐதராபாத் வீரர்கள் துவக்கம் முதலே அடித்து ஆடினர்.

ஜோனி பேட்ஸ்டோ 28 பந்துகளில் 45 ரன்களும், டேவிட் வார்னர் 37 பந்துகளில் 69 ரன்களும் அடித்து வலுவான துவக்கம் கொடுத்தனர்.ஐதராபாத் அணி 19 ஓவர்களில் 5 விக்கெட்களை இழந்து 201 ரன்கள் பெற்று வெற்றி இலக்கை அடைந்தது. ஆட்டநாயகன் விருதை ஐதராபாத் வீரர் ரசித்கான் பெற்றார்.

கவனத்தை ஈர்ப்பாரா ஸ்டீவ் ஸ்மித்?

இன்று ஐதராபாத்தில் உள்ள ராஜிவ் காந்தி மைதானத்தில் நடைபெறும் போட்டியில் ராஜஸ்தான் மற்றும் ஐதராபாத் அணிகள் மோதுகின்றன. இரவு 8 மணிக்கு துவங்கும் இந்த போட்டியை ஸ்டார் ஸ்போர்ட்ஸ் நேரடி ஒளிபரப்பு செய்கிறது.

இன்றைய போட்டியில் வில்லியம்சன்  ஐதராபாத் அணியை வழி நடத்த கூடும். ஒரு ஆண்டு தடைக்கு பின் ஆஸ்திரேலிய அணிக்கு திரும்ப உள்ள ஸ்டீவ் ஸ்மித் பழைய பார்ம்க்கு திரும்புவாரா என பொறுத்து இருந்துதான் பார்க்க வேண்டும்.

இன்றைய போட்டியில் தங்களின் முதல் வெற்றியை பதிவு செய்ய இரண்டு அணிகளுமே போராடும். பந்து வீச்சுக்கு சாதகமான ராஜிவ் காந்தி மைதானத்தில் ஐதராபாத் அணி ஆதிக்கம் செலுத்த வாய்ப்பு உள்ளது.

நோ பால் குறித்து விராட் கோலி கூறுவது என்ன?

நேற்று பெங்களூரில் நடந்த போட்டியில் மும்பை அணி 6 ரன்கள் வித்தியாசத்தில் பெங்களூர் அணியை வென்றது. இந்த போட்டியின் கடைசி பந்தை மலிங்கா நோ பால் ஆக வீசியதை நடுவர் கவனிக்க தவறிவிட்டார். அந்த பால் நோ பாலாக அறிவிக்கப்பட்டு இருந்தால் ஆட்டத்தின் போக்கில் மாற்றம் ஏற்பட்டு இருக்கலாம்.

இது குறித்து கருத்து தெரிவித்துள்ள விராட் கோலி நாங்கள் ஐபிஎல் போட்டிகளை சர்வதேச அளவில் விளையாடுகிறோம். கிளப் லெவலில் இல்லை. நடுவர்கள் கண்களை திறந்து போட்டியை கவனிக்க வேண்டும். மலிங்கா வீசிய அந்த பெரிய நோ பாலை கவனிக்காமல் இருந்தது கேலிக்குறியது ஆகும். என்ன நடக்கிறது என்று தெரியவில்லை. நடுவர்கள் விழிப்புடன் செயல் பட வேண்டும் என காட்டத்துடன் தெரிவித்து உள்ளார்.

Mr.360 டிவில்லியர்ஸின் அதிரடி வீண் போனது

இந்தியன் பிரீமியர் லீக்கில் நேற்று பெங்களூரில் நடந்த ஆட்டத்தில் மும்பை மற்றும் பெங்களூர் அணிகள் மோதின. முதலில் பேட்டிங் செய்த மும்பை அணி 20 ஓவர்கள் முடிவில் 8 விக்கெட்களை இழந்து 187 ரன்கள் எடுத்தது. அதிகபட்சமாக அந்த அணியின் ரோஹித் ஷர்மா 48 ரன்களும், சூரியகுமார் யாதவ் 38 ரன்களும், ஹர்திக் பாண்டியா 32 ரன்களும் எடுத்தனர். பெங்களூர் அணியின் சாஹல் 4 விக்கெட்களை கைபற்றி அசத்தினார்.

188 ரன்கள் எடுத்தால் வெற்றி என்ற கடின இலக்குடன் களமிறங்கிய பெங்களூர் அணி 20 ஓவர்கள் முடிவில் 181 ரன்கள் எடுத்து 6 ரன்கள் வித்தியாசத்தில் தோல்வி அடைந்தது.விராட் கோலி 46 ரன்களில் பும்ரா பந்து வீச்சில் ஆட்டம் இழந்தார்.

அந்த அணியின் டிவில்லியர்ஸ் 6 சிக்ஸர்கள், 4 பவுண்ரிகள் உடன் 41 பந்துகளில் 70 ரன்கள் அடித்து கடைசி வரை களத்தில் நின்றார். 4 ஓவர்கள் பந்து வீசி 20 ரன்கள் விட்டு கொடுத்து 3 விக்கெட்களை கைப்பற்றிய பும்ரா ஆட்ட நாயகன் விருதை பெற்றார்.

விராட் கோலி Vs பும்ரா ஆதிக்கம் செலுத்த போவது யார்?

இந்தியன் பிரிமியர் லீக்கில் இன்று நடைபெறும் போட்டியில் பெங்களூர் மற்றும் மும்பை அணிகள் மோதுகின்றன. இரவு 8 மணிக்கு துவங்கும் இந்த போட்டியை ஸ்டார் ஸ்போர்ட்ஸ் நேரடி ஒளிபரப்பு செய்கிறது. விராட் கோலி மற்றும்  பும்ரா களத்தில் இன்று சந்திப்பதால் ரசிகர்கள் இடையே இந்த போட்டி மிகுந்த எதிர்பார்ப்பை ஏற்படுத்தி உள்ளது.

இந்த இரண்டு அணிகளுமே தங்கள் முதல் போட்டியில் தோல்வி அடைந்து உள்ளதால் இன்று வெற்றி பெற கடுமையாக போராடும்.பெங்களூர் சின்னசாமி மைதானமானது சேஸிங் செய்ய சாதகமானது என்பதால் டாஸ் வெல்லும் அணி பந்துவீச்சை தேர்வு செய்ய வாய்ப்பு உள்ளது.

ரஸ்சல், நிதிஷ் ராணா அதிரடியில் கொல்கத்தா அணி வெற்றி

இந்தியன் பிரிமியர் லீக்கில் கொல்கத்தா ஈடன் கார்டன் மைதானத்தில் நேற்று  நடந்த போட்டியில் கொல்கத்தா மற்றும் பஞ்சாப் அணிகள் மோதின. இதில் முதலில் பேட்டிங் செய்த கொல்கத்தா அணி 20 ஓவர்கள் முடிவில் 4 விக்கெட்களை இழந்து 218 ரன்கள் எடுத்தது. அதிரடியாக ஆட்டத்தை வெளிப்படுத்திய உத்தப்பா 50 பந்துகளில் 67 ரன்களும், நிதிஷ் ராணா 34 பந்துகளில் 63 ரன்களும், ரஸ்சல்  17 பந்துகளில் 48 ரன்களும் எடுத்தனர்.

219 ரன்கள் எடுத்தால் வெற்றி என்ற கடின இலக்குடன் களமிறங்கிய பஞ்சாப் அணி 20 ஓவர்கள் முடிவில் 4 விக்கெட்களை இழந்து 190 ரன்கள் மட்டுமே எடுத்தது. அந்த அணியில் அதிகபட்சமாக டேவிட் மில்லர் 59 ரன்களும், மயங்க் அகர்வால் 58 ரன்களும் எடுத்தனர்.

இதன் மூலம் 28 ரன்கள் வித்தியாசத்தில் வெற்றி பெற்ற கொல்கத்தா அணி தனது இரண்டாவது வெற்றியை பதிவு செய்தது.48 ரன்கள் உடன் இரண்டு விக்கெட்களையும் கைப்பற்றிய ரஸ்சல் ஆட்ட நாயகன் விருதை பெற்றார்.