டெல்லியில் தண்ணீர் பிரச்னையை தீர்க்க

வறட்சி பாதித்த 255 மாவட்டங்களில் இயற்கை வளங்களை பாதுகாக்கவும் தண்ணீர் தட்டுப்பாட்டை போக்கவும் 255 அதிகாரிகள் தலைமையில் வல்லுநர் குழுக்கள் ஏற்படுத்தப்பட்டுள்ளன

மத்திய அரசன் ஜல சக்தி அபியின் எனப்படும் நீர் வள பாதுகாப்பு அமைப்பின் கீழ் இந்த அதிகாரிகள் செயல்படுவார்கள்

எஸ்.கே தயாரிப்பில் ‘வாழ்’

வளர்ந்து வரும் நடிகர்களில் முக்கிய இடம் வகிப்பவர் சிவகார்த்திகேயன். இவர் நடிப்பில் சமீபத்தில் வெளியான மிஸ்டர் லோக்கல் திரைப்படம் எதிர்பார்த்த வெற்றியை பெறவில்லை என்றாலும். பாண்டிராஜ் இயக்கத்தில் சன் பிக்சர்ஸ் தயாரிக்கும் அடுத்த படத்தில் பிசியாக நடித்து வருகிறார் சிவகார்த்திகேயன்.

திரைப்படங்களில் நடிப்பதோடு மட்டும் இல்லாமல் வளரும் படைப்பாளிகளை ஊக்குவிக்கும் விதத்தில் பல்வேறு திரைப்படங்களை தயாரித்து வருகிறார். சிவகார்த்திகேயன் புரெடக்ஷ்ன் தொடங்கி இரண்டு படங்களை தயாரித்து இருக்கிறார். இவர் தயாரிப்பில் வெளியான கனா திரைப்படம் மாபெரும் வெற்றி பெற்றது. இதனைத் தொடர்ந்து நெஞ்சமுண்டு நேர்மை உண்டு படத்தை தயாரித்து இருக்கிறார்.

இந்நிலையில் இன்று சிவகார்த்திகேயனின் தந்தையார் பிறந்தநாளை முன்னிட்டு மூன்றாவதாக படம் ஒன்றை தயாரிப்பதாக அறிவித்திருக்கிறார். அருண் பிரபு புருஷோத்தமன் இயக்கும் இந்த திரைப்படத்திற்கு ‘வாழ்’ என்று தலைப்பிடப்பட்டுள்ளது. இந்த படத்தின் பர்ஸ்ட் லுக் போஸ்டரை சிவகார்த்திகேயன் இன்று வெளியிட்டிருக்கிறார்.

இந்தியா – மேற்கிந்தியத் தீவுகள் இன்று மோதல்

இந்தியா – மேற்கிந்தியத் தீவுகள் கிரிக்கெட் அணிகளுக்கு இடையில் இன்று உலகக் கோப்பைப் போட்டி நடக்க உள்ளது. இந்த இரு அணிகளும் உலகக் கோப்பைத் தொடரில், இதற்கு முன்னர் விளையாடிய போட்டிகள் அதிக முக்கியத்துவம் பெற்றவையாக அமைந்திருக்கின்றன. அதற்கு மிகச் சிறந்த உதாரணம், 1983 உலகக் கோப்பை இறுதிப் போட்டி. அந்தத் தொடரில் இந்திய அணி மிகவும் வலுவான ஆஸ்திரேலியா மற்றும் இங்கிலாந்து அணிகளை வீழ்த்தி, இறுதிப் போட்டியில் மிகவும் வலுவான மேற்கிந்தியத் தீவுகளை எதிர்கொண்டது. அப்போது போட்டியைப் பார்த்த பலரும், முதல் இன்னிங்ஸ் முடிவில் மேற்கிந்தியத் தீவுகள்தான், கோப்பையை வெல்லும் என்று பார்வையாளர்கள் சொன்னார்கள். ஆனால், இந்தியா, 43 ரன்கள் வித்தியாசத்தில் வெற்றி பெற்று சரித்திரம் படைத்தது. அந்தத் தொடரை அடுத்துதான் இந்திய அணி, கிரிக்கெட் அரங்கில் ஜொலிக்க தொடங்கியது.

இதுவரை இரு அணிகளும் உலகக் கோப்பையில்:

இந்தியா vs வெஸ்ட் இண்டீஸ்

போட்டிகள்: 8

இந்தியா வெற்றி பெற்றது: 5

வெஸ்ட் இண்டீஸ் வெற்றி பெற்றது: 3

டிரா: 0
இந்த இரு அணிகளும் முதன்முறையாக 1979 உலகக் கோப்பைத் தொடரில்தான் எதிர்கொண்டன. அதே நேரத்தில் 1983 உலகக் கோப்பைத் தொடரில் இரு அணிகளும் 3 முறை மோதின. அதில் இந்திய அணி, இரண்டு முறை வெற்றியடைந்தது.

1992 ஆம் ஆண்டுக்குப் பிறகு, வெஸ்ட் இண்டீஸ் அணி, இந்தியாவை ஒருமுறை கூட உலகக் கோப்பையில் வீழ்த்தியது கிடையாது.

1996 (குவாலியர்), 2011 (சென்னை) மற்றும் 2015 (பெர்த்) ஆகிய ஆண்டுகளில் நடந்த உலகக் கோப்பைப் போட்டிகளில் இந்தியா, மேற்கிந்தியத் தீவுகளை தோற்கடித்துள்ளது.

காட்டில் கண்டெடுக்கப்பட்ட குழந்தை!!!

அமெரிக்காவில் ஜார்ஜியா என்னுமிடத்தில் கட்டப்பட்ட பாலிதீன் பைக்குள் பிறந்த குழந்தை ஒன்று இருந்ததை காவல்துறையினர் கண்டுபிடித்துள்ளனர்.

ஜார்ஜியாவின் காட்டுப் பகுதிக்குள் குழந்தை அழும் சத்தம் கேட்பதாக காவல்துறைக்கு தகவல் வந்துள்ளது. அப்பகுதிக்கு வந்த காவல்துறையினர் குழந்தை அழும் சத்தத்தை வைத்து கண்டுபிடித்துள்ளனர்.

குழந்தை கட்டப்பட்ட பாலிதீன் பைக்குள் வைக்கப்பட்டிருந்தை கண்டுபிடிக்கும் போது அதை மற்றொரு காவல்துறை அதிகாரி  வீடியோ எடுத்துள்ளார். இந்த வீடியோ காட்சியினை காவல்துறையின்  ட்விட்டர் பக்கத்தில் வெளியிடப்பட்டுள்ளது.

கண்டுபிடிக்கப்பட்ட குழந்தைக்கு ‘இந்தியா’ என்று காவல்துறையினர் பெயரிட்டுள்ளனர். காட்டில் கண்டெடுக்கப்பட்ட குழந்தை இந்தியா நலமாக உள்ளதாகவும் அக்குழந்தையின் தாய் யாரென கண்டுபிடிக்கப்படும் என்று தெரிவித்துள்ளனர்.

 

மத்திய அரசில் காலிப்பணியிடங்கள் !!!

மத்திய அரசின் வெவ்வேறு துறைகளில் மொத்தம் 6.84 லட்சம் காலிப் பணியிடங்கள் இருப்பதாக தெரிவிக்கப்பட்டுள்ளது. காலிப் பணியிடங்கள் தொடர்பாக நாடாளுமன்றத்தில் கேட்கப்பட்ட கேள்வி ஒன்றுக்கு மத்திய பணியாளர் நலத்துறை இணை அமைச்சர் ஜிதேந்திரா சிங் அளித்துள்ள பதிலில், இந்த தகவல் வெளியிடப்பட்டுள்ளது.

மத்திய அரசில் உள்ள வெவ்வேறு துறைகளுக்கு மொத்தம் 38.02 லட்சம் பணியாளர்களை நியமித்துக் கொள்ளலாம். அந்த வகையில் மார்ச் 1, 2018- வரையிலான தகவலின்படி மத்திய அரசில் மொத்தம் 6.84 லட்சம் பணியிடங்கள் காலியாக உள்ளன.

போயிங் நிறுவனம் தன் விமானத்தை எங்கு நிறுத்தியுள்ளது என்று பாருங்கள்!

மென்பொருள் கோளாறு காரணமாக பாதுகாப்பு எச்சரிக்கை வேலை செய்யாததால், போயிங் 737 மேக்ஸ் ரக விமானங்கள், தரையில் நிறுத்தப்பட்டுள்ளன. முன்னதாக அக்டோபர் மற்றும் மார்ச் மாதங்களில் லயன் ஏர் மற்றும் எதியோப்பியன் ஏர்லைன்ஸ் விமானங்கள் விபத்தை சந்தித்து 351 இறந்து போனதற்கும் இந்த தொழில்நுட்ப கோளாறுதான் காரணம்.

எனவே, இந்த போயிங் விமானங்கள், வாசிங்டனில் உள்ள போயிங்கின் ரென்டன் மையத்தில் நிறுத்தப்பட்டது. இந்த விமானங்களை நிறுத்துமிடம் முழுமையடைந்ததால், அந்த நிறுவனம் தன் ஊழியர்களின் வாகனங்கள் நிறுத்துமிடத்தில் சில விமானங்களை நிறுத்தியுள்ளது. இதன் புகைப்படங்கள் தற்போது சமூக வலைதளங்களில் வெளியாகி வைரலாகி வருகிறது.

ஏவியேசன் போட்டோ தனது ட்விட்டர் பக்கத்தில் இந்த புகைப்படத்தை பகிர்ந்து, ‘விமான போக்குவரத்தில் ஒரு வரலாற்று நிகழ்வு’ என்று கூறியுள்ளது. இந்த புகைப்படம், விமானம் நிறுத்துமிடத்தில் ஏற்பட்டுள்ள இடப்பற்றாக்குறை காரணமாக பல விமானங்கள் வாகனம் நிறுத்துமிடத்தில் நிறுத்தப்பட்டுள்ளதை வெளிப்படுத்தியுள்ளது.

ஜப்பான் சென்றடைந்தார் பிரதமர் மோடி

ஜி20 உச்சி மாநாட்டில் பங்கேற்க ஜப்பான் சென்றடைந்தார். பிரதமர் மோடி

14 வது ஜி 20 உச்சி மாநாடு ஜப்பானில் நாளை தொடங்குகிறது இந்த மாநாட்டில் பல்வேறு நாடுகளை சேர்ந்த தலைவர்கள் பங்கேற்க உள்ளனர் இந்த மாநாட்டில் பிரதமர் மோடி மற்றும் டிரம்ப் சந்திக்க உள்ளது பெரும் எதிர்பார்ப்பை ஏற்படுத்தியுள்ளது

அதிர்ச்சி தகவல் !!

புதிதாக ஹைட்ரோகார்பன் கிணறுகளை அமைக்க ஓ.என்.ஜி.சி நிறுவனம் அனுமதி கேட்டிருப்பதாக வெளியாகி இருக்கும் செய்தி மிகுந்த அதிர்ச்சி அளிக்கிறது

       

ஸ்டாலின் அவர்கள் அஞ்சலி செலுத்தினார்’

‘தமிழ் மாநில காங்கிரஸ் தலைவர் திரு. ஜி.கே.வாசன் அவர்களின் தாயார் மறைவையொட்டி, கழக தலைவர் அவர்கள் அஞ்சலி செலுத்தினார்’