மக்களவையின் சபாநாயகராக பதவியேற்கிறார்!!!!

மக்களவையின் சபாநாயகராக பதவியேற்கிறார் பாஜக-வின் ஓம் பிர்லா!

பாஜக எம்.பி., ஓம் பிர்லாதான், மக்களவையின் அடுத்த சபாநாயகராக பொறுப்பேற்பார் என்று தகவல் வந்துள்ளது. அவரது நியமனத்துக்கு எதிர்க்கட்சிகளும் ஒப்புதல் அளித்துள்ளதாக கூறப்படுகிறது. ஓம் பிர்லா, உள்துறை அமைச்சரும் பாஜக-வின் தலைவருமான அமித்ஷாவுக்கு மிகவும் நெருக்கமானவர் என்று சொல்லப்படுகிறது.

லோக்சபா சபாநாயகர் குறித்து இதுவரை அதிகாரபூர்வமாக தகவல் தெரிவிக்கப்படவில்லை என்றாலும், ஓம் பிர்லாவின் மனைவி அமிதா பிர்லா அதை உறுதிபடுத்தியுள்ளார்.

இது குறித்து அவர் ஏ.என்.ஐ செய்தி நிறுவனத்துக்கு அளித்த பேட்டியில், “இது எங்களுக்கு மிகவும் பெருமையான விஷயமாகும். அவரைத் தேர்வு செய்தமைக்கு அமைச்சரவைக்கு நன்றி” என்று கூறியுள்ளார்.