சரவெடியாக வெடித்த வார்னர், சாம்சன் சதம் வீண்

இந்தியன் பிரிமியர் லீக்கில் நேற்று நடந்த போட்டியில் ஐதராபாத் மற்றும் ராஜஸ்தான் அணிகள் மோதின. இதில் முதலில் பேட்டிங் செய்த ராஜஸ்தான் அணி 20 ஓவர்கள் முடிவில் இரண்டு விக்கெட்களை இழந்து 198 ரன்கள் அடித்தது.

அந்த அணியின் துவக்க வீரர் ரஹானே 49 பந்துகளில் 70 ரன்கள் எடுத்தார். இளம் வீரர் சாம்சன் 10 பவுண்டரிகள், 4 சிக்சர்கள் உடன் 55 பந்துகளில் 102 ரன்கள் எடுத்து கடைசி வரை களத்தில் நின்றார். சஞ்சு சாம்சனின் இரண்டாவது ஐபிஎல் சதம் இது என்பது குறிப்பிடத்தக்கது.

புவனேஷ்குமாரின் முதல் இரண்டு ஓவர்களில் 10 ரன்கள் மட்டும் அடித்த ராஜஸ்தான் வீரர்கள் அடுத்த இரண்டு ஓவர்களில் 45 ரன்கள் அடித்தனர். அடுத்து 199 ரன்கள் அடித்தால் வெற்றி என்ற கடின இலக்குடன் ஆடிய ஐதராபாத் வீரர்கள் துவக்கம் முதலே அடித்து ஆடினர்.

ஜோனி பேட்ஸ்டோ 28 பந்துகளில் 45 ரன்களும், டேவிட் வார்னர் 37 பந்துகளில் 69 ரன்களும் அடித்து வலுவான துவக்கம் கொடுத்தனர்.ஐதராபாத் அணி 19 ஓவர்களில் 5 விக்கெட்களை இழந்து 201 ரன்கள் பெற்று வெற்றி இலக்கை அடைந்தது. ஆட்டநாயகன் விருதை ஐதராபாத் வீரர் ரசித்கான் பெற்றார்.

Leave a Reply

Your email address will not be published. Required fields are marked *